كل تاجر إلكتروني في السعودية يعرف هذا الشعور: الساعة ١١ بالليل، وأنت تغلّف طلبات اليوم، وواتساب المتجر يرن، "وين طلبي؟"، "عندكم مقاس L؟"، رسالة صوتية دقيقتين. ترد الحين وتتأخر طلباتك، أو ترد بكرة وتخسر عميل.
الحلول الموجودة كانت وحدة من اثنتين: بوتات قديمة تعطي ردود جاهزة تعصّب العميل أكثر، أو توظيف موظف دعم بآلاف الريالات شهريًا لمتجر لسا يكبر. فبنينا الخيار الثالث.
«رد» موظف خدمة عملاء بالذكاء الاصطناعي يشتغل على واتساب متجرك: مربوط بنظام سلة فيعرف طلباتك ومنتجاتك، يرد باللهجة، يفهم الرسائل الصوتية، وأهم شيء، يعرف حدوده. أي طلب مالي أو شكوى أو سؤال ما يعرفه، يحوّله لك فورًا بدل ما يتفلسف.
الأمان قبل الأتمتة. الذكاء الاصطناعي اللي يوعد عملاءك بوعود ما تقدر توفيها أخطر من عدم الرد أصلًا، عشان كذا «رد» مبني بقواعد مقفولة برمجيًا.
العربي أولًا. أغلب أدوات الذكاء الاصطناعي تعامل العربية كترجمة. إحنا نبنيها للهجة من أول يوم، لأن عميلك ما يكتب فصحى الساعة ١٢ بالليل.
التاجر الصغير يستاهل أدوات كبيرة. نبدأ أسعارنا من ٩٩ ريال لأن أدوات المتاجر الكبيرة المفروض ما تكون حكر عليها.
«رد» في مراحله الأولى ونشتغل عن قرب مع أول دفعة من التجار، إذا تحب تكون منهم وتشارك في تشكيل المنتج، راسلنا على support@getradd.com وبنرد عليك بنفسنا (مو بوت، هالمرة 😄).